اهلا وسهلا بك زائرنا الكريم
انت الان تتصفح مركز أور الاخباري المستقل

أفضل 10 فاتحي مواضيع

تصويت

سحابة الكلمات الدلالية

أفضل 10 أعضاء في هذا الأسبوع


    دمعة :: قصيدة

    شاطر

    صحتي

    عدد المساهمات : 93
    تاريخ التسجيل : 24/12/2009
    العمر : 41

    دمعة :: قصيدة

    مُساهمة من طرف صحتي في 25.12.09 14:31

    دمعة
    *****
    آنه دمعه بعين تاجر

    لارجف گلبي ولا مره خِفت


    تعودت عالنوم حد ما جزّعاني

    ومن كثر ما عايش براحه

    نساني

    وبسجن عينه الخبيثه تورطت

    ردته مره بعمره يبچي وما بچه

    وياما شفت عيون من جوره بچن

    واشتهيت الكَاع وعيونه بخيله


    لا تند الند

    ولا هزها حزن

    وليله من سود الليالي

    بيها رد سكران گوه يشيل روحه

    وچن احس بيبا سجني اتفتحن

    ذبني يم الكاس وبنشوه حضنته

    وبين كاسه وطرف چفيته لذت

    وبتت حر مرتاح وعيونه نسنني

    وكَمت ادور عيون غيره يوالفني

    تحيريت....ومالگيت

    غير بس عيون بنته اللي تربّت بالدلال

    لاتمل الضحك ...لاتشبع سؤآل

    فارغه بگد عين ابوها وما يهمها

    غير بس اللبس

    وآلات الجمال

    ومن جديد .. ارجع لسجني وحيد

    ولو تحس بيوم اريد انزل تعتني

    ومن كثر ما هي حريصة اعلى الدموع

    بخيط من الكحل الاسود چتفتني

    ومره وي ورد الحديقة

    كَاعده وتضحك بلهفه

    وهبّت ارياح الشمال بعينها

    الحلوه الكحيله وحركتني

    وبلا ماتدري ويه كَشايه اللفتها .. طلعتني

    وبتت ما بين الورود

    ذكرى من عيون سود

    لحد ما ذيج الجفوف تلاكَفتني

    صرت هالمره رمز بعيون أم

    عايشه بضيم وحزن واكوام هم

    ما خذاها الطمع بيه ولا نستني

    حلَت چتافي الربا بچفي سنين

    وباول فراكَـ

    اعلى ابنها العافها وسافر

    بـــچــــــتني

    **************

    الديوانية 2000

      الوقت/التاريخ الآن هو 25.09.17 16:19