اهلا وسهلا بك زائرنا الكريم
انت الان تتصفح مركز أور الاخباري المستقل

أفضل 10 فاتحي مواضيع

تصويت

سحابة الكلمات الدلالية

أفضل 10 أعضاء في هذا الأسبوع


    شاطي الحلم :::قصيدة

    شاطر

    صحتي

    عدد المساهمات : 93
    تاريخ التسجيل : 24/12/2009
    العمر : 41

    شاطي الحلم :::قصيدة

    مُساهمة من طرف صحتي في 25.12.09 15:26


    من تجي

    تورّد احلامي
    وترد بيه السنين
    اسنين
    ويامي الكَضت بعدك ونين
    وياسنين الذابت بفرحة عمر
    وبلا صبر 00000
    عيني جانت باب
    وطيوفك ضيوف
    وكرم كَلبي ....
    كرم جفني المايرد خطاره يوم
    وصبر عمري
    الخلّص متانيك صوم
    ويوم يوم
    وآنه باول مرسى بفراشي ارتمت
    حسره وصبر
    ومن تجي :::
    بجيتك ترد فرحة عمر
    ومن دمعها توضت بروحي السنابل
    مالكَت محراب دافي
    وصلت بحضني المناجل
    جان ناعور الفرح بيها حزين
    وما سكَت برعم صبر
    كَطرة حياة
    وما نفع يم ردتك كثر الصلاة
    وجان كَلبي من اسمك يغني ويذوب
    وجان جفني الماطبكَـ
    يهوى الدروب
    وجان صوتي الماعشكَـ
    غير اسمك
    اعلى اسمك ينام
    وهذا جفي السالمك
    من سافرت
    ناسي السلام
    وهذا جدمي الشلته دروب القدر
    يفرح امن اعليه تمر فرحة عمر
    هالعمر من ذاب بيك
    مالكَه الطيبه اعلى اديك
    من اشتعلت بروحي شمعة
    طفت روحي !!!
    وماشفت من جيت دمعه
    لا تدكَـ الباب جفك من سواجي الروح طلعه
    و اوكَف بباب الفرج وكَفت ملك
    وإبدتي من اول خطوط الطول
    تلكَه بطولهن مشتاك الك
    ------------------------------------------- سوق الشيوخ 2000

    [/b]

      الوقت/التاريخ الآن هو 24.11.17 2:04